Monday, February 2, 2009

நடிகை சங்கீதா கிரிஷ் திருமணம்



-
நடிகை சங்கீதாவுக்கும் இளம் பாடகர் கிரிஷுக்கும் திருவண்ணாமலை அண்ணாமலையார் கோயிலில் திருமணம் நடந்தது. திரையுலகினர் பலர் கலந்து கொண்டு மணமக்களை வாழ்த்தினர்.
பிதாமகன் உயிர்தனம் உள்பட பல்வேறு படங்களில் நடித்தவர் சங்கீதா. இவரும் பிரபல பின்னணி பாடகர் கிரிஷும் பல மாதங்களாக காதலித்து வந்தனர். இவர்களின் காதலுக்கு இரு வீட்டாரும் பச்சைக்கொடி காட்டியதால் திருமணம் செய்துகொள்ள முடிவு செய்தனர்.
திருவண்ணாமலை அண்ணாமலையார் கோயிலில் இவர்களுக்கு திருமணம் நடந்தது. சரியாக காலை 8.35 மணிக்கு சங்கீதாவுக்கு தாலி கட்டினார் கிரிஷ். பின்னர் மணமக்கள் மாலை மாற்றிக் கொண்டனர். பின்னர் மணமக்கள் கோயில் அலுவலகத்துக்கு சென்று திருமணத்தை பதிவு செய்து கொண்டனர்.
நடிகைகள் ஸ்ரீப்ரியா, ரீமாசென், ரகசியா, ஐஸ்வர்யா, பிரீத்தி, மும்தாஜ், ஸ்ரீதேவி, மகேஸ்வரி, கிரிஷின் அக்கா கல்பனா, அவரது கணவர் சிமோர், நடிகர்கள் பாண்டியராஜன், ஜீவா, சின்னிஜெயந்த், டான்ஸ் மாஸ்டர் ராம்ஜி, சிரிப்பு நடிகர் பாஸ்கி, இயக்குனர்கள் பாலா, தரணி, தயாரிப்பாளர் வேணு உள்பட திரையுலகினர், உறவினர்கள், நண்பர்கள் என ஏராளமானோர் மணமக்களை வாழ்த்தினர்.
நடிகை சங்கீதா திருமணம் நடப்பதை அறிந்த ஏராளமான ரசிகர்கள் கோயில் வளாகத்தில் திரண்டிருந்தனர். அவர்களை கட்டுப்படுத்த போலீசார் பாதுகாப்புக்கு நிறுத்தப்பட்டிருந்தனர்.

No comments: